ನಿಟ್ಟುಸಿರು..

ಮಿಡಿಯುತಿದೆ  ನೆನಪಾಗಿ ತೋರೆಯ ದಯಾ..
ತುಡಿಯುತಿದೆ ನಿನಗಾಗಿ ನನ್ನ ಹೃದಯ..
ಕುಡಿಯುತಿರೆ ಒನಪಾಗಿ ನನ್ನ ರಾಧೆಯ..
ಒಡೆಯುತಿರೆ ಯಾಕಾಗಿ ದೂರವಾದೆಯಾ..

 ತಿಳಿದೆ ನಾನು ತಾವರೆ ಎಲೆಯೆಂದು
ಉಳಿದೆ ನೀನು "ಸಾವಿ"ರದ ಮುತ್ತೆಂದು
ನಾ ಬಗ್ಗಿ ನಿಲ್ಲಲು ನೀ ಜಾರಿ ಬಿದ್ದೆಯಾ...?
ಮುತ್ತೊಡೆದು ಹರಿಸಿದೆ ಕಣ್ಣಿಂದ ನಿದ್ದೆಯ..

ಅಂದು ಕಪ್ಪಿಟ್ಟ ಮನವನ್ನು
ಬೆಳಗಿತ್ತು ನಿನ್ನ ಸ್ನಿಗ್ಧ ಮುಖ..
ಇಂದು ಕಂಗೆಟ್ಟ ತನುವನ್ನು
ಸುಡುತಿದೆ ದಗ್ಧ ಸುಖ...

ಕಂಪಡರಿ ಉಣಿಸಿದ್ದ ನನ್ನ ಮಲ್ಲಿಗೆ..
ಕೆಂಪಡರಿ ತಣಿಸಿದ್ದೆ ಹೋದೆ ಎಲ್ಲಿಗೆ..?
ಜಗವಿರುವುದೆ ಹೀಗೆ..!
ಸಾಯುವುದ ಮುನ್ನ ಮರೆಯುವರು ಬೇಗೆ..
ಮೊಗವಿರಲಿ ಹೀಗೆ..
ಕಾಯುವುದು ನನ್ನ ಹೃದಯದ ಜಾಗೆ.....